Section 13.7 Tla'amn - Mɛnatᶿɛy hɛga šɛ tatᶿɛm tih kʷikʷtᶿɛm titačɛwmɩxʷ
Written by: Veselin Jungic
Illustrated by: Lila Mohammed
Translated by: Ochele
A Tribute to Jonathan Borwein, 1951-2016, one of the founders of Experimental Mathematics
Hɛw ɬaχɬa χt ən mɛnatᶿɛy čujos. Θo qamɛtəs šɛ čɩčyɛs hɛga šɛ nuɬs, tataʔačišɛw šɛ ƛaqt mot ʔatnopɛl kʷ nijɛ gɩjɛ.
Qakʷum šɛ ƛaqt mot ʔatnopɛl ta χɛtᶿ ʔɛmɛn, kʷitᶿɛm ƛaq mɛnatᶿɛy. jɩƛmɛtəs šɛ tih kʷikʷtᶿɛm tɩtačɛwmɩxʷ. kʷʊnɛtəs hɛhews t̓atᶿɛms.
Ninjɛʔot nɛ kʷakʷɛ šit šɛ qaχ tih tih kʷikʷtᶿɛm tɩtačɛwmɩxʷ. nonpɛganəm ʔot mɛnatᶿɛy ʔukʷs t̓atᶿɛm.
“Hɛwč qaχ t̓atᶿɛm tih tih kʷikʷtᶿɛm tɩtačɛwmɩxʷ niš tɛʔɛ gɩjɛ. nəm saʔaga kʷʊnɛs hukt t̓atᶿɛm tih tih kʷikʷtᶿɛm tɩtačɛwmɩxʷ.” natəm mɛnatᶿɛy. qʷaqʷaysxʷəs šɛ čɩčyɛs hɛga šɛ nuɬs θos χapjɩt ta ƛaqtmot ʔatnopɛl.
Pɛθostəm šɛ čɩčyɛs. xʷawatɛganmɛtəs mɛnatᶿɛy. “qʷolčʊxʷ ƛaχaχɛgən, gaynɛxʷčxʷ kʷ χaws toχʷangusəm, toχxʷʊxʷsəm kʷ qaχ. Payɛčxʷsamt toχtoχt kʷ ʔukʷtəm θ ƛoɬsəm!”
Qayɛɬtən ga: čɩm hoθots čɩčyɛnɛs ʔot kʷ paʔa t̓atᶿɛm tatɛgəns šɛ tih tih kʷikʷtᶿɛm ʔtɩtačɛwmɩxʷ
